Queridas familias,
Ábrese o prazo para a reserva de praza para os usuarios do Comedor do vindeiro curso 2026/2027. Os alumnos que precisen praza deben formalizar a súa reserva a través do formulario do final da páxina dentro do prazo que comeza o 16 de xuño e remata o 30 de xuño de 2026. As solicitudes que se reciban antes ou despois deste prazo serán descartadas.
No caso de recibir un número de inscricións excesivo, aplicaránse os mesmos criterios de admisión por orde de inscrición. Ademais, se ao longo do curso se detecta un uso deshonesto por parte dos usuarios, procederase a dar de baixa ese servizo (previo aviso), pois estaría ocupando un lugar que outra persoa podería necesitar.
GUÍA DE USO DO COMEDOR
As normas e procedementos que rixen o uso e disfrute deste servizo poden descargarse a continuación. Recomendamos encarecidamente a tódolas familias lean detidamente estas normas.
Guía de Uso e Procedemento do Comedor
NORMAS DE FUNCIONAMENTO E CONVIVENCIA
Aproveitamos a ocasión para recordarvos as normas de funcionamento e convivencia que rixen as actividades complementarias da escola e que son de obrigado cumprimento para todos os alumnos e alumnas usuarias do servizo de comedor. Por favor, poñede especial atención ás medidas recollidas no documento que se atopa na seguinte ligazón, en especial ás medidas correctoras en caso de condutas contrarias á convivencia.
Normas de funcionamento e convivencia
No caso de alumnos que precisen facer uso do Comedor de forma esporádica en días soltos ou ben precisen incorporarse ao servizo unha vez comezado o curso, sexan alumnos novos ou non, deberán seguir o procedemento descrito na Guía de Uso do comedor para poder inscribirse neste servizo.
INSCRICIÓN NO COMEDOR
É preciso cubrir un FORMULARIO por cada neno que se vaia a preinscribir. Non é posible facer un só formulario para dous irmáns, por exemplo. Non se aceptan inscricións que non sexan a través deste formulario online, é dicir, non se aceptan formularios por escrito ou por email.
Este formulario pecharáse trala finalización do prazo de inscrición, o 30 de xuño. As familias que desexen inscribir alumnos en prazos posteriores a esa data, deberán esperar ata setembro, xa que a ANPA cesa as súas actividades de forma temporal durante xullo e agosto polo período estival.
Ademais, para inscricións fóra de prazo é obrigatorio avisar a Adrimial. Para iso, tedes que enviar un correo a altacomedor@gmail.com o seguinte documento debidamente cumprimentado.
RECORDADE! Se alguén precisa anotar ao seu fillo ou filla ao comedor de forma puntual, é imprescindible notificarllo a Adrimial antes das 9.30h desde mesmo día. En caso de non ter avisado, non se garante que se poida ofrecer o servizo.
TLF. contacto ADRIMIAL: